साविक दुधौली नगरपालिका वडा नं. ३ र ४ मिलेर बनेको हालको दुधौली नगरपालिका वडा नं. ८ पूर्वमा तावा खोला पश्चिममा दुधौली नगरपालिका वडा नं. ९ उत्तरमा दुधौली नगरपालिका वडा नं. १३ र दक्षिणमा तावाखोला यति चार किल्लामा अवस्थित छ ।

यस वडा धार्मिक, सांस्कृतिक, भाषिक विविधताले भरिपूर्ण रहेको वडा हो । यस वडामा अधिकांस भु–भाग समथर रहेकोले कृषीको सम्भाव्यता बोकेको छ तर सिंचाईको अपर्यप्तताको कारण कृषि उत्पादनमा कमि भएको पाइन्छ ।

घरधुरी ६८१,जनसंख्या ३,०५८ (पुरुष: १,४४४, महिला: १,६१४) भएको यस वडामा ५ वटा सामुदायिक विध्यालय ४ वटा सामुदायिक वन १ वटा स्वास्थ्य चौकी रहनुको साथै दुधौली नगरपालिकाबाट निर्मित हरित पार्क र चिल्ड्रन पार्क पनि यसै वडामा अवस्थित छ ।

यस वडामा विद्युत,सडक,विध्यालयको सुविधा रहेको भएता पनि प्रशस्त मात्रामा खानेपानीको सुविधा रहेको पाइदैन । ऐलानी जग्गा, दुधौली र कुम्राहा नदिको कटान यस वडाको मुख्य समस्याको  रुपमा रहेको छ । यस वडाको विच भागमा राष्ट्रिय गौरवको रुपमा रहेको मदन भण्डारी (वैकल्पिक) राजमार्ग रहेको छ ।

जनप्रतिनिधिहरुको विवरण

कार्यरत कर्मचारीहरूको विवरण