दुधौली नगरपालिका वडा नं. १३, अरुणठाकुर दुधौली नगरपालिकाको १४ वटा वडा मध्यको एक वडा हो जुन साबिक अरुणठाकुर गा.वि.स. का वडा नं. १ दखि ९ सम्मका ९ वटा वडाहरु समावेश भएर बनेको वडा हो । यस वडाको भौलिक अवस्था ठूलाठूला चट्टानले बनेको डाँडाकाँडा, पहाडपर्वत र हरियो बनले घेरिएको छ । यस वडाको क्षेत्रफल ... छ भने ११६९ घरधुरी र ५,७६६ जनसंख्या छ । यस वडामा मगर, तामाङ, क्षेत्री, सुनुवार, बाहुन, विश्वकर्मा, परियार, नेवार, राई र गुरुङ्ग समुदायहरुका बसोबास रहेको छ । यस वडाको मुख्य नगदेबाली जुनार र अदुवा हो । यस वडालाई पूर्वमा दु. न. पा. वडा नं. १४, पश्चिममा दु.न.पा. वडा नं. १२, दक्षिणमा दु.न.पा. वडा नं. ५ र १० र उत्तरमा फिक्कल गाउँपालिकाको सिमानाले छोएको छ । यस वडामा ठाकुर गुफा मन्दिर र प्राचिनकालमा ठाकुर स्नान गर्ने करिव ७५०० बर्ग मिटरको ठाकुर पोखरी रहेको छ र यसै ठाकुर गुफा शिर भएर ठाकुर खोलाको उत्पति भएको छ , यसै खोलाको नामाकरणबाट यस वडाको नाम अरुणठाकुर रहन गएको हो । पहिलेका बुढापाकाका भनाई अनुसार, स्वच्छ मनले चिताएको कुरा यस ठाकुर मन्दिरमा गएर मागे पुरा हुने गरेको पाईन्छ । यस वडा सौन्दर्य पहाडपर्बतले वनेको हुनाले पर्यटकीय स्थल बन्ने ठूलो सम्भावना रहेको वडा हो । भौगोलिक रुपमा दुर्गम इलाका भएकोले यस वडामा शिक्षा, स्वास्थ्य, यातायात र सञ्चार जस्ता विकासका पूर्वाधारबाट निकै पछि छ । यस वडालाई भबिष्यका दिनहरुमा नगरपालिकाले सुसम्पन्न वनाउने हो भने पर्यटकीय स्थल बनाएर आयआर्जन गर्न सक्ने ठूलो सम्भावना वोकेको छ ।

जनप्रतिनिधिहरुको विवरण

क्र.सं.	पद	नाम	फोटो	सम्पर्क नं.
१	वडा अध्यक्ष	श्री मिलन सुनुवार		९८५४०४२०१३
२	वडा सदस्य	श्री रुद्र बहादुर रायक्षेत्री		९८२५७२९०७७
३	वडा सदस्य	श्री शिव बहादुर मगर		९८२४८६२२३६
४	वडा सदस्य	श्री सन्त कुमारी तामाङ		९८०४८७६९०५
५	वडा सदस्य	श्री दिलमाया दमाई		९८१३७२५९२४

कार्यरत कर्मचारीहरूको विवरण